QENDRA TE REJA RELAKSI PER VITIN 2014

Nëse ju pëlqejnë masazhet, qendrat e relaksit apo të keni një jetë të shëndetshme lexoni më poshtë për  shtatë destinacionet e reja të Spa-ve që do të dëshironi të vizitoni për këtë vit.

Ndërsa klientë të përgjegjshëm për shëndetin kanë udhëtuar për të “bërë banja termale” për mijëra vjet, destinacionet e Spa-ve përbëjnë vetëm 2% të të gjitha Spa-ve në botë, sipas Aleancës Ndërkombëtare të Mirëqenies dhe Shëndetit. Megjithatë, një së rë  spa janë hapur gjatë muajve të fundit, ose janë gati për të nisur aktivitetin e tyre. Disa janë më të prirur drejt kënaqësisë, të tjerë drejt mjekësisë.

Nescens, Gjenevë

Qëllimi në Spa-në e sapohapur Nescens, në ambientin privat La Rezerve Genève, është të ndalë kohën. Një ekip mjekësor shqyrton çdo gjë që nga shëndeti i përgjithshëm e deri tek të ushqyerit dhe shpalos një program personal kundër plakjes për çdo person që vjen në këtë Spa. Më pas fillon argëtimi: planet e dietës, programet e masazhit, stërvitja me trajnerët privatë. Themeluesi i Nescens, Jacques Proust, një mjek i specializuar për plakjen, beson se “arti i të jetuarit” është çelësi për të qëndruar i ri. Ndërsa Nescens është modest, është gjithashtu edhe llastues; të 102 dhomat e të ftuarve janë arreduar me kadife të kuqe në të zezë dhe të bardhë nga Jacques Garcia. Nga 4,853 dollarë për person për katër ditë, duke përfshirë akomodimin, ushqimin, konsultimet dhe terapitë e përshkruara, www.lareserve.ch

Fokusi i brendshëm në Indi

Kërkoni të “liroheni” nga ‘karma’(fati- idea se veprimet e individit përcaktojnë  fatin e tij në  ekzistenca e më passhme) e keqe – dhe të bini në peshë? Vana, Malsi Estate, e cila u hap së fundmi në Dehradun, në ultësirën ​​Himalayan, mund të jetë vendi që ju përshtatet. Personat që shkojnë aty konsultohen me specialistë përpara qëndrimit të tyre. Ata zgjedhin një objektiv (humbje peshe, balancë mendje-trup, etj.) dhe nivelin e intensitetit (pak çdo ditë ose program intensiv), dhe iu ofrohet një plan i personalizuar që i ndjek ata nga kontrolli i brendshëm e deri në transformim. 90 dhomat dhe suitat janë projektuar nga një arkitekt indian, me tone të karakteristikave të tokës dhe pamje të pyjeve dhe kopshte të frutave. Vana ka zona të veçanta për secilën nga disiplinat e shumta të saj, duke përfshirë meditimin, mjekësinë tibetiane, bukurinë dhe panchakarma, një program Ayurvedic (njohuri për jetë të gjatë) 14-ditor, që ndihmon në rivendosjen e ekuilibrit. Nga 515 dollarë për person në natë, duke përfshirë akomodimin, ushqimin, konsultimet private, trajtimet e përditshme dhe aktivitetet e grupit, vanaretreats.com.

Përtej sipërfaqes në Gjermani

Kur Haus Julius në Brenners Park-Hotel të hapet këtë pranverë, në qytetin Spa të Baden-Baden, do të jetë një tërheqje mjekësore e fokusuar te bukuria që funksionon nga brenda-jashtë. Bashkangjitur është Villa Stephanie, një rezidencë prej 15 dhomash gjumi, ndërtuar në vitin 1890 për vajzën e adoptuar të Napoleonit. Edhe pse qasja është ekstremisht mjekësore -kardiologët dhe dentistët kozmetikë janë një telefonatë larg – të përshkon një ndjesi intimiteti dhe mikpritje. Çdo mysafiri i caktohet një pikë e vetme kontakti ku adreson të gjitha nevojat. Vaktet mund të konsumohen në restorantinMichelin-star Brenners Park-Restaurant ose W intergarten. Nga 311 dollarë për person në natë villastephanie.com.

Giddyup në Virxhinia

Salamandër, rezidenca e hapur prej gjashtë muajsh jashtë Uashington DC, e bën më të lehtë se kurrë që njerëzit e pushtetit dhe politikanët të sigurojnë pak pushim të shëndetshëm. Prona Middleburg prej 340 akre është ide e bashkëthemeluesit të BET, Sheila Johnson, dhe opsionet e mirëqenies pasqyrojnë pasionet e saj. Spa prej 23,000 metrash katrorë ofron rreth një gjysmë duzine hapësirë me ujë, nga pishinat në natyrë dhe ato të mbyllura e deri te dushet e shiut të shoqëruara me ndriçim të terapisë me ngjyra. Përvojat e pazakonta përfshijnë Quirogolf, një masazh që përdor topat e golfit; terapi magnetike, e cila përfshin diamante për të balancuar efektet negative të teknologjisë; dhe “Equi-Spective Experience”, në të cilat marrëdhënia njeri-kalë shfrytëzohet për të rritur aftësitë e udhëheqjes. Dhoma nga 275 dollarë një natë, paketa të plota-ditore nga 610 dollarë për person, duke përfshirë drekën dhe katër trajtime,salamanderresort.com

Arratisje e ‘lirë ’ në Angli

Lifehouse, vetëm 20 minuta me tren nga Londra në qarkun e Essex-it, dëshmon se kopshtet e trashëgimisë, pellgjet me zambak dhe trajtimet e mirëqenies nuk janë vetëm mbretëria e të pasurve. 

Spa prej 12 akrash, u hap vitin e kaluar nga Sue Davis, një veteran i destinacionit të Spa-së A-list Chiva Som në Tajlandë. Gjithçka ofron kjo rezidencë  me katër yje po josh si mysafirët ashtu edhe homologët e saj të shtresave të larta, të dëshiruar që mjeshtri i reiki (praktikë spirituale) Michael Berthaud t’i bashkohet ekipit. Zumba, Bokwa dhe klasat e jogës, si dhe dhomat e kriposura me avull dhe Decleor facials (trajtimet kozmetike për fytyrën) mund të rezervohen pa frikë në listën e pritjes, pasi ka 35 dhoma trajtimi për 89 dhoma vizitorësh. Aktivitete të tjera përfshijnë ecje përgjatë zonës, meditim të udhëzuar dhe AquaFit. Pjesa më e mirë: Edhe qëndrimi më modest këtu ia vlen. Dhoma nga 95 dollarë për person, duke përfshirë darkën, lifehouse.co.uk

Rigjallërim i vërtetë në Skoci

Ndryshe nga shumë destinacione të Spa-ve, ESPA Life e re në vendpushimin mitik Gleneagles të golfit në Auchterarder, pranon se të ftuarit përfundimisht, do t’u kthehen mjediseve dhe shprehive aspak ideale (d.m.th. jetës). Programet e udhëhequr nga Naturopath i ndihmojnë ata të krijojnë plane reale, që do t’i drejtojnë ata të kontrollojnë mirë të kaluarën e tyre. 

Këtu do t’ju ofrohen aktivitete, stërvitje intensive dhe një sy kritik ndaj zgjedhjeve tuaja të jetesës, si dhe masazhe, një shëtitje në Old Course, fusha më e vjetër e golfit në botë. Paketa më e shitur përfshin katër ditë “Ultra-Fit for Golf”, që synon të përmirësojë funksionin muskul-skelet, dhe “Sleep more”, që në thelb është pikërisht ashtu sikundër tingëllon “flini më shumë”. Dhoma nga 550 dollarë një natë, programe katërditore nga 1,192 dollarë për person, duke përfshirë edhe terapitë e përshkruara dhe konsultimet, gleneagles.com

Rigjallërim i purifikuar në Connecticut

Mayflower Grace, “joshja” e qytetit të Uashingtonit, përshkruar nga emrat më në zë të Nju Jorkut, u ble në dhjetor nga Grace Hotele. Kjo ‘parajsë ’e re sipas opinionit të  çdo vizitori, ofron vërtet arsye për të  festuar. Pjesa më e madhe e 30 dhomave në katër vilat u “përtëri” me mbulesa të bardha dhe shtretër me tendë. Një qëndrim prej tri netësh përfshin të gjitha trajtimet e fytyrës me oksigjen, trajtimin detoksifikues me baltë deti, meditimin e udhëzuar.

Vaktet me pak kalori mund të shoqërohen me verë dhe konjak të rrallë. Prona prej 58 akrash është versioni Yankee i një shtëpie angleze, rrethuar me një kopsht shekspirian. Nga 4,000 dollarë personi për tre net, duke përfshirë akomodimin, ushqimin, klasat dhe trajtimet në Spa, mayflowerinn.com