6 Gjërat Që Nuk Duhet të Bësh (Kurrë) në Fluturim

Rregullat bazë janë këto: shkoni në kohë në aeroport, mos harroni pasaportën dhe biletën. Këshillat për një fluturim të qetë dhe pa stres janë të panumërta, por shumë prej nesh shpesh nuk i ndjekim këto këshilla. Ndaj nëse nevojitet, Max Travel ju këshillon për gjërat që nuk duhet të bëni në fluturim duke nisur me përdorimin e alkolit deri tek shakatë pa kripë me rojet e sigurisë.

Mos pini alkol përpara fluturimit.

Momenti kur të njoftojnë që fluturimi është me vonesë shkakton trishtim dhe acarim, por alkoli nuk e mpin dot dhimbjen e as largon trishtimin. Mos shtyni kohën në bar duke pirë alkol, sepse ndikimet e pirjes së tij do i ndiejnë të gjithë pasagjerët e tjerë.

  Mos pranoni të mbani plaçkat e të tjerëve

Shumë njerëz e bëjnë këtë gabim, ndonëse e dimë shumë mirë që nuk duhet të pranojmë të mbajmë çantat e askujt përveç të vetes. Nuk e di kurrë se çfarë mallrash ose produktesh të rrezikshme mund të ketë pasagjeri tjetër në çantën e tij. Ndodh që e gjen veten të ndaluar nga policia për mbajtjen e produkteve të paligjshme dhe vështirë t’ua mbushësh mendjen që çanta nuk është e juaja.

 Mos jini harbutë me ekuipazhin në fluturim

Stjuardesat janë në përgjithësi të sjellshme, të këndshme dhe plot buzëqeshje. Por ndonjë prej tyre mund të sillet shumë keq dhe mund t’ju mërzisë. Mos ia nxirrni nervat asaj ose atij. Keni mënyra të tjera për tu ankuar. Mos harroni se në raste problemesh teknike të avionit, jemi në duar të Zotit pastaj të stjuardesës, e cila mundet të na ndihmojë ose jo në nxjerrjen e maskës së oksigjenit apo fryrjes së jelekut të shpëtimit. Mos harroni që stjuardesa na sjell pije dhe ushqime, ndaj nëse nuk dëshironi që ajo të sabotojë fluturimin tuaj, silluni mirë.

  

                                  Kurrë mos bëni shaka me fjalët “bombë” ose “eksplozivë”

Nuk ka rëndësi nëse jeni të veshur me rroba firmato, biznesmenë apo të thjeshtë. Nëse bëni shaka pa kripë që përmbajnë fjalët “bombë” kur ndodheni në avion, jo vetëm që do të vononi fluturimin, por policia do t’ju përcjellë me ceremoni  nga avioni. Kurrë mos bëni shaka me këto gjëra!

      

    

   

 Mos provoni ushqime të reja përpara fluturimit

Ushqimi në aeroport lë shumë për të dëshiruar. Mos provoni ushqime të reja dhe ekzotike sado tunduese të duken. Rreziqet që të helmoheni, t’ju kapë diareja ose t’ju shpërthejnë të vjellat janë shumë të mëdha.

 Mos blini bileta me tranzit më pak se një orë.

Nëse nuk doni të vraponi si të çmendur nëpër terminale, të qani kur të humbisni fluturimin, ose të përplaseni në sedilje pa frymë pasi e keni kapur fluturimin për pak minuta, shmangni biletat me tranzit të shkurtër.

KULLA EIFEL DO TË RRETHOHET ME MUR?

Autoritetet në Paris kanë ndërmarrë një plan miliona dollarësh për të përmirësuar sigurinë përreth atraksionit kryesor të qytetit, Kullës Eifel. Ata kanë vendosur të ndërtojnë një mur qelqi anti-plumb që do të rrethojë të gjithë strukturën.

Ndërtimi i këtij muri do të kushtojë 20 million Euro. Përgjatë 15 viteve të ardhshme, Parisi do të shpenzojë plot 300 milionë Eurosh për të përmirësuar sigurinë përreth kullës Eiffel.

Muri i qelqtë anti-plumb do të jetë 2.5 metra i lartë dhe do të mbulojë pjesët e poshtme të kullës dhe kopështet përreth tij. Ai do të përballojë forcën e një kamioni të tërë dhe sulme terroriste të ngjashme. Muri nuk do të ndalojë turistët që duan të vizitojnë kullën, që padyshim do t’i nënshtrohen kushteve të rrepta të sigurisë. 

4 SEKRETET E SHATËRVANIT TREVI NË ROMË

Roma në Itali është padyshim një nga qytetet me historinë më të pasur në botë. Që nga Koloseumi e deri tek Forum-i, që shpalos madhështinë e Perandorisë Romake, në Romë i ndien të gjitha.

Shatërvani i Trevit u ndërtua në vitin 1700. Ai është një nga atraksionet ikonë të Romës. Është ndërtuar në një prej vendburimeve më të lashta të Romës dhe është ndërtuar me të njëjtin material ndërtimi dhe gurë si Koloseumi. Ajo është një mrekulli e kohëve moderne me lidhje të forta me të shkuarën e Qytetit të Përjetshëm.

Më poshtë do të gjeni disa secrete të këtij Shatërvani që nuk i dinit më parë.

1   1. Trevi është një nga vendburimet e ujit më të lashta të Romës.

Trevi bashkon tre rrugë në famshme. Trevi vjen nga ‘tre vie” që do të thotë “tre rrugët”, dhe është pika e fundit e dy burimeve të lashta të ujit Aqua Virgo dhe Acqua Vergine.  Këto dy burime thuhet që e morrën emrin nga një virgjëreshë e bukur e cila i joshte ushtarët deri tek burimi me të njëjtin emër.

    2.    Arkitekti i Trevi-t vdiq përpara se shatërvani të përfundonte së ndërtuari

Njësoj me Sagrada Familia të Barcelonës, arkitekti i Shatërvanit të Trevit Nikola Salvi vdiq përpara  të shijonte madhështinë e veprës së tij. Në vitin 1730, Papa Klementi XII udhëroi Alessandro Galilei të niste këtë vepër madhështore. Por qytetarët e Romës e kundërshtuan Galilein për shkak të prejardhjes së tij fiorentine. Kështu, projekti iu dha Salvit. Ai vdiq në vitin 1751. Skulptori Pietro Braçi mbikqyri punimet deri në përfundimin e Shatërvanit në vitin 1762.

            3.   Skulptura e “Asi Kupë” u ndërtua si shenjë hakmarrje

Thuhet që gjatë ndërtimit të Shatërvanit, një berberi të zonës i kishte ardhur në majë të hundës nga zhurma dhe rrëmuja. Çdo ditë, ai i ankohej arkitektit, i cili gjithashtu ndihej i bezdisur sa që vendosi të ngrinte skulpturën e “Asit Kupë” në të majtë të Shatërvanit në mënyrë që berberi të mos kishte kurrë mundësinë të shijonte madhështinë e kësaj kryevepre.

         

  4.  Monedhat e hedhura në shatërvan shkojnë për bamirësi

Tradita e hedhjes së monedhave në shatërvan nisi pas filmit Tre Monedha në Shatërvan të vitit 1954. 

Legjenda thotë se nëse e hidhni monedhën me dorën e djathtë dhe mbi supin e majtë, ju do të ktheheni me siguri në Romë. 

Nëse hidhni një monedhë të dyti, atëherë kthimi juaj në Romë do të jetë shumë romantik, pra do të gjeni dashurinë. 

Nëse hidhni një monedhë të tretë, do të martoheni në Romë.

Që nga viti 2006, shoqata e bamirësisë Caritas mbledh 3000 Euro në ditë të cilat i përdor për programe bamirësie në të gjithë botën. 

A ka rrezik të rrëzohet avioni nëse nuk fik telefonin gjatë fluturimit

Në çdo fluturim jemi mësuar të na thonë të fikim telefonat celularë. A është në të vërtetë mendimi që sinjali i telefonit mund të shkaktojë rrëzimin e avionit një legjendë urbane? Rregulli për fikjen e telefonave celularë lindi në vitin 1991 si rrjedhojë e frikës se frekuencat e telefonave celularë mund të prishnin sistemin elektronik të avionit.

Por deri më tani nuk ka pasur fakte dhe prova që mjetet elektronike të pasagjerëve kanë qenë të mjaftueshme për të rrëzuar një avion.
Tani me telefonat smart , mjafton ta vendosësh atë në “flight mode” dhe mund ta përdorësh pa problem gjatë gjithë fluturimit. E vërteta është që nëse nuk e fik telefonin, ose nuk e vendos atë në “flight mode” pilotët dhe punonjësit e kullës së trafikut ajror do të bezdisen pa fund nga një tingull i bezdisshëm që vjen si pasojë e inteferencës së valëve të telefonit tek sistemi elektronik i avionit.
E keni provuar besoj të afroni telefonin e ndezur pranë televizorit ose radios dhe keni dëgjuar atë zhurmën acaruese? E njëjta gjë ndodh edhe me avionin, por tani me teknologjinë moderne rreziqet e ndërhyrjes së valëve në sistem po bëhen gjithnjë e më të pakëta. Megjithatë nëse inteferenca është shumë e madhe, ose gjithë pasagjerët në avion mbajnë telefonat ndezur, pilotët mund ta kenë të pamundur të dëgjojnë mesazhet e rëndësishme që vijnë nga kulla e trafikut ajror.

A PASTROHEN NDONJËHERË SEDILJET E AVIONIT?

Deri tani kemi mësuar që zona më e pisët në avion është tavolina e ngrënies përfshirë rripin e sigurimit, ku bakteret gëlojnë. Këto të dyja pastrohen lehtë nëse me vete merr pak pambuk dhe një anti bakterial. Por ka edhe dicka tjetër në avion që është më e pisët se cdo gjë tjetër dhe ajo është sedilja. Imagjinoni pak sa njerëz ulen në një sedlije, sa baktere ka në fibrat e copës. A pastrohen ndonjëherë këto sedilje? E vërteta është që secila linjë ajore ka një protokoll pastrimi. Në mesin e dy fluturimeve avioni i nënshtrohet një pastrimi të përgjithshëm por jo të thellë. Një tjetër fakt interesant është që nëse do të udhëtosh në një avion të pastër, duhet të kesh kujdes me ditën kur zgjedh të udhëtosh. Pastrimi i thellë i avionit me anti bakterialë ndodh pasi avioni ka përfunduar fluturimin e mbrëmjes dhe është ulur në pistë.  Kjo do të thotë që udhëtimet e mëngjesit janë më të pastra se fluturimet e tjera gjatë ditësh. Linjat ajore gjithashtu caktojnë edhe pastrime të thella një mujore ku të gjitha sediljet, tapetet lahen thellë për të garantuar një pastërti sa më të madhe! 

5 QYTETET EVROPIANE KU DUHET TE KESH KUJDES NGA HAJDUTET

Vjedhja ose humbja e sendeve personale ndikon negativisht në pushimet e cdo turisti. Evropa konsiderohet si streha e hajdutëve të xhepave që bëjnë kërdinë ndaj turistëve. Hajdutët e xhepave përdorin shumë mënyra për të hutuar dhe vjedhur turistët të cilët shpesh janë shënjestra të lehta. Gjeni më poshtë listën e pesë qyteteve Evropiane ku duhet të bëni kujdes nga hajdutët e xhepave. 

                1. Barcelona

Me arkitekturën e vecantë Katalanase dhe bregdetin fantastik, Barcelona është padyshim një nga vendet më të vizituara në Evropë. Plot 300 vjedhje raportohen cdo ditë në këtë qytet spektakolar duke e bërë padyshim qytetin me numrin më të madh të vjedhjeve të rrugës në botë

2. Paris

Parisi është një nga qytetet më të dëshiruara në botë, me një numër të madh turistësh që zgjedhin ta vizitojnë atë. Qyteti i Dashurisë është padyshim në listën e qyteteve me numrin më të madh të vjedhjeve të rrugës. Vite më parë, stafi i Kullës Eiffel dhe Luvrit u futën në grevë duke kërkuar më shumë përkushtim nga ana e policisë kundër hajdutëve të rrugës që operojnë afër këtyre atraksioneve turistike.

3. Madrid

Qyteti Spanjoll është shtëpia e të ashtuquajturit "Klani Boshnjak" , një grup prej katër grash që pasi rropën mijëra turistë nëpër metrotë Barcelonë u zhvendosën në Madrid. Autoritetet u kanë ndaluar grupit udhëtimin me transport publik, por ky urdhër u anullua për shkak të një gabimi teknik. Gjatë kohës që urdhëri ishte në fuqi, vjedhjet e rrugës në Madrid u ulën me 40%. Shënjestrat e hajduteve janë Metro-ja, Plaza Mayor dhe Sheshin Cibeles .

4. Praga

Hajdutët e Pragës i gjen shpesh nëpër metro, sidomos në stacionet afër Charles Bridge, Rrugës Karlova, Qytetit të Vjetër dhe Sheshit Wenceslas. Në ndryshim nga qytetet e tjera, këtu hajdutët punojnë vetëm dhe jo në grup

5.Roma

Vjedhjet e rrugës në Romë janë kthyer në një epidemi. Hajdutët shënjestrojnë turistët në zona kryesore si Vatikan, Koloseumi dhe Shkallët Spanjolle. Zona të tjera me një rrezik të lartë janë: Prati, Trionfale, Via Emo, and Piazza Cavour.

Ndiqni këshillat e Max Travel për të shpëtuar nga hajdutët

1. Kurrë mos e mbaj kuletën apo sendet e cmuara në xhepin e parë të cantës, edhe nëse e ke të kopsitur mirë ose të mbyllur me zinxhir!

2. Jini vigjilentë dhe kujdes nga taktika e shpërqendrimit.

3. Hajdutët operojnë gjithmonë në grup. Janë pikërisht ata njerëz që nuk ta mbushin mendjen si fëmijët apo të moshuarit që janë pjesë e operacioneve të vjedhjes.

4. Jini vigjilentë në hapësira të mbyllura ose në rrugica të ngushta. Në tren ose në metro mos rrini pranë derës, sepse hajdutët gjejnë rastin të largohen shpejt menjëherë pas vjedhjes.

5. Para se të dalësh nga hoteli, mundohu të kesh një cantë me pak sende personale, sa më e fryrë canta aq më e madhe dëshira e hajdutëve për të futur duart në të.

6. Disa hajdutë shtiren sikur janë turistë. Ata mbajnë në duar harta dhe sillen sikur kanë humbur. Me njërën dorë mbajnë hartën me tjetrën të gërmojnë në cantë ndërkohë që ti u tregon rrugën. Disa hajdutë sillen si pijanecë jashtë lokaleve, duke përqafuar këdo që kalon pranë. Kur ta kuptosh cfarë ka ndodhur, pasaporta dhe të hollat do të jenë zhdukur me kohë.
7. Mos mbaj kurrë kuletën dhe pasaportën në xhepin e pasmë të pantallonave.

Ky material është përshtatur në shqip nga stafi i Max Travel. Nuk lejohet përvetësimi i këtij informacioni nga palë të tjera! 

MOS POSTO BOARDING PASS NE FACEBOOK. JE NE RREZIK!

Boarding Pass është i vogël, por punën e bën të madhe. Dokumenti që të lejon të udhëtosh me avion është i një rëndësie të madhe. 

Na ndodh shpesh që kur bëhemi gati për të udhëtuar na kap dëshira për të fotografuar pasaportën bashkë me boarding pass, për tu treguar të tjerëve aventurën tonë të rradhës.

Duhet të dini që në këtë mënyre jeni tepër të ekspozuar ndaj rreziqeve të shumta. Kjo, për faktin se kodet e fluturimit në boarding pass përmbajnë të dhëna personale për ju. 

Me anë të kodit, piratët e internetit mund të mësojnë emrin, të dhënat e fluturimit, madje edhe planet për udhëtimet e tjera të planifikuara, 

Mark Murphy, President i TravAlliance thotë se linjat ajrore bëjnë ç'është e mundur të ruajnë të dhënat e pasagjerëve, por janë pikërisht këta të fundit që shkelin privacinë e tyre. Shpërndarja e boarding pass në median sociale është e rrezikshme. Nëse nuk i reziston dëshirës për të ndarë me miqtë planet tuaja, atëherë të paktën përpiquni të mbani jashtë fotografisë të dhënat e kodit të dokumentit.