SI TË SHMANGIM BAKTERET QË GJENDEN NË BANJOT PUBLIKE

Banjot publike për shumë njerëz janë sinonim i pisllëkut dhe baktereve.

Një studim Amerikan është përpjekur të identifikojë zonat më të pisëta në një banjo publike dhe çuditërisht në bazë të analizave ka rezultuar se ulësja e WC-së është më e pastra sepse njerëzit vendosin letra higjenike para se të ulen aty. Zona më e pisët në WC është vendi ku gjendet letra higjenike. Në këtë vend janë  gjetur 150%  më shumë baktere se në të gjithë banjon, sepse njerëzit pasi kryejnë nevojat personale janë në kërkim të menjëhershëm të letrës higjenike për një pastrim imediat. Por duke qenë se duart janë të palara të gjithë bakteret mblidhen në këtë aparat duke u bërë shkak për sëmundje të rënda si pneumonia ose infeksione në mitër. Mjekët sugjerojnë që njerëzit duhet patjetër të lajnë duart pasi të shkojnë në banjo për të hequr qafe bakteret, por mos të prekin me dorë rubinetin sepse edhe aty gjenden baktere të shumta. Sugjerohet përdorimi i peshqirëve ose letrave higjenike. Edhe duart duhen tharë me kujdes me një peshqir sepse më shumë baktere gjenden në duar të lagura se në ato të thara. Për një kujdes më të madh, njerëzit sugjerohen që të hapin derën e banjës me brryl se sa me dorë që t’i shmangen baktereve të tjera që gjenden në dorezë.

A e dini se:

Në një dorë numërohen më shumë se 1000 baktere/cm2

Meshkujt përdorin banjon të paktën 6 herë në ditë, ndërsa femrat mbi 10 herë në ditë!

Duke larë duart, reduktohen sëmundjet me 30-50%

Bakteret shumëfishohen çdo 20 minuta

Duart e ndotura shpërndajnë viruset në çdo objekt të prekur

Duart e lagura transferojnë bakteret 1000 herë më shumë se duart e thata

Bakteret mund të qëndrojnë active në duar për më shumë se 3 orë

Duart e një punonjësi mbajnë 10 milionë baktere në ditë

Tubeti i kremërave të duarve ose fytyrës  dhe çantat kanë më shumë baktere se një ulëse WC-je